انا اللى كتير بلوم نفسي وتاعب روحي ويايا عشان مش راضي على نفسي همومي شايلها جوايا
و لابس وش مش وشي ، تشوفني تقول جبل واقف ، وعامل اني مبخفشي لكن دايما بكون خايف
صحيح البخت خدني ومال ، واديني كمان مقضيها وكل يومين بكون على حال وأعمل ايه بعديها
الناس خلونا نبقى .. على الدنيا دي ما نبقا .. ونداري فى ضعفنا
ونعيش راضيين غلابه يا نكون زي الديابة روحنا على كفنا
مليش فى الدنيا دي سكة وعايش فيها على تكا بداري الأها بالضحكة ومستني ليها نهاية
بموت جوايا ميت مرة ونفسي أرتاح ولو مرة ، بحاول أحلى فى المـُرة عشان تعدل كدا معايا
مهوش ذنبي ان دا مكاني ، حلمت اكون واحد تاني ، لعبت كتير دور الجاني ، كفاية كتير كدا عليا
يا عالم حسوا من الاخر بقيت بجروحي ع الاخر ، ومبقتش عارف ولا قادر أخبي دموعي فى عنيا
الناس خلونا نبقى .. على الدنيا دي ما نبقا .. ونداري فى ضعفنا
ونعيش راضيين غلابه يا نكون زي الديابة .. روحنا على كفنا
انا اللى كتير بلوم نفسي وتاعب روحي ويايا
موضوع: انا اللي كتير .... 
الأحد يناير 20, 2013 5:51 pm
